SON DƏQİQƏ

Xalq artisti öz-özünü dolaşdırdı

Tarix:

30-04-2019, 18:27

/ 389 dəfə oxundu.
Xalq artisti öz-özünü dolaşdırdı

Bakı Hərbi Məhkəməsində sabiq deputat Hüseyn Abdullayev, onun anası Zeynəb Abdullayeva, Həbib İbrahimov, Xalid Əliyev, Namiq Babayev, İntiqam Süleymanov, Pərviz Kazımov, Zaur Quliyev və Nazim Əliyevin cinayət işi üzrə məhkəmə iclası davam etdirilib.

Report-un xəbərinə görə, hakim Həbib Həsənovun sədrliyi ilə keçirilən prosesdə xalq artisti Gülyaz Məmmədova ifadə verib.

Elan olunub ki, deputat Cavanşir Feyziyevin H.Abdullayevdən aldığı obyektin 1/3 hissəsini G.Məmmədovanın adına keçirib.

G.Məmmədova C.Feyziyevi tanıdığını, onun istəyi ilə obyektin adına keçirildiyini söyləyib: "Lakin həmin obyektin yerini bilmirəm".

Qeyd edək ki, rəsmi məlumata görə, ayrı-ayrı vətəndaşların Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə daxil olmuş müraciətləri əsasında 14 fevral 2018-ci il tarixdə başlanmış cinayət işi üzrə H.Abdullayevin 2006-cı ildən 2018-ci ilədək olan müddət ərzində faktiki nəzarət etdiyi “Araz-İnşaat” ASC-də onun tapşırığına əsasən, müəssisənin idarə olunmasını həyata keçirən Babayev Namiq İsmixan oğlu və qeyriləri ilə qabaqcadan əlbir olan bir qrup şəxs halında Cəmiyyətə məxsus obyektləri müxtəlif vaxtlarda ayrı-ayrı şirkətlərə icarəyə verərək, ümumilikdə, 1 milyon 374 min manat məbləğində gəlirlərin Cəmiyyətin kommunal xidmət və sair xərclərinin ödənilməsinə sərf olunmasına dair digər səhmdarlara yalan məlumat verməklə 13 min 373 manat məbləğində dividentləri vahid qəsdlə ələ keçirib zərərçəkmiş şəxslərə xeyli miqdarda maddi ziyan vurmaqla dələduzluq etməsinə şübhələr müəyyən edilib.

Təqsirləndirilən şəxslərdən bəziləri Dövlət Sərhəd Xidmətinin əməkdaşlarıdır. Bu səbəbdən cinayət işi Bakı Hərbi Məhkəməsinə göndərilib.

İş üzrə zərərçəkmiş şəxs qismində 28 nəfər tanınır.

Təqsirləndirilən Z.Abdullayeva, H.İbrahimov, Z.Quliyev və P.Kazımov barəsində isə ev dustaqlığı qətimkan tədbiri seçilib.

Xatırladaq ki, bir müddət öncə mövzu ilə bağlı Axar.az-a açıqlama verən G.Məmmədova məsələyə aidiyyəti olmadığını bildirmişdi. Daha sonra isə C.Feyziyevlə qohum olduğunu və ondan obyekt aldığını bildirmişdi. İndi isə xanım müğənni ifadəsində həmin obyektin yerini bilmədiyini söyləyib.

скачать dle 12.1

Şərhlər

XƏBƏR LENTİ