Azərbaycan Uşaq
Fondunun idarə heyyətinin sədri Aqil Məhərrəmovun koronavirusla və digər
məsələlərlə bağlı müsahibəsi təqdim edirik:
- Aqil müəllim, qlobal
pandemiya elan olunmuş koronavirus (COVİD-19) infeksiyasının yayılmasının
qarşısını almaq məqsədilə bu gün ölkəmizdə dövlət və cəmiyyət tərəfindən həyata
keçirilən tədbirləri necə qiymətləndirirsiniz?
- Bəşəriyyət qlobal pendemiya,
koronavirus infeksiyası ilə üz-üzə dayanıb. Bu görünməmiş fəlakətdən qurtulmaq
fədakarlıq tələb edir. Bunun həlli isə dövlətin yeganə mənbəyi olan xalqın onun
Liderinin ətrafında sıx birləşməsindən asılıdır. Sevindirici haldır ki,
möhtərəm Prezidentimiz cənab İlham Əliyevin müdrik siyasəti nəticəsində dövlət
və cəmiyyət monolit bir birliyə sahib olmuşdur. Azərbaycanda koronavirusa qarşı
aparılan mübarizə bir çox ölkələr üçün örnəkdir. Bir Azərbaycan vətəndaşı
olaraq, yaşından və vəzifəsindən asılı olmayaraq xalqıma müraciət edirəm. Elan
olunmuş "Özünütəcrid” və "Evdə qal” kampaniyaları böyük bir fəlakətin qarşısını
almaqdan xəbər verir. Özümüzü təcrid edək ki, bu ağır fəlakəti ucuz adladaq.
Millətimizin gələcəyi hər birimizin əlindədir. Bir olaq ki, Azərbaycan daha da
möhkəmlənsin, daha da böyüsün!
- Ölkə
Prezidenti cənab İlham Əliyevin iqtidar-müxalifət dialoqunun
formalaşmasının zəruriliyini, eyni zamanda Prezident Administrasiyasında yeni
yaradılmış "Siyasi partiyalar və qanunvericilik hakimiyyəti ilə əlaqələr”
şöbəsinin fəaliyyətini necə qiymətləndirirsiniz?
- Möhtərəm Prezidentimiz cənab İlham
Əliyevin VI çağırış Milli Məclisin açılış sessiyasındakı tarixi çıxışı özünün
güclü dövlətçilik təcrübəsi, siyasi əqidə bütövlüyü, siyasi məsuliyyəti,
siyasətinin fəlsəfi əsasları ilə Heydər Əliyev tərəfindən əsası qoyulmuş
müstəqil və demokratik dövlətimizdə insanların hüquq və azadlıqları, iqtisadi
firavan həyatın bərqərar olduğu, milli, dini, irqi və etnik ayrı-seçkiliyin
olmadığı, insanların təkamülü və əqidəsinə görə təqib edilmədiyi müasir
sivilizasiyalı cəmiyyətin və vahid Azərbaycan dövlətinin uğurla inkişaf
etdiyini bütün dünyaya bir daha elan etdi. Öz çıxışında dövlət başçımız qeyd
etdi ki, ölkədə yeni siyasi dövrün başlanması iqtidar-müxalifət dialoqunun daha
mütərəqqi, daha demokratik müstəvidə hərəkət etməsinə bir vəsilədir.
Dövlət başçısının irəli sürdüyü
partiyalararası geniş dialoqun aparılmasının vacibliyi ilə bağlı tövsiyəsi,
artıq Prezident Administrasiyasında partiya rəhbərləri ilə müzakirələrin
keçirilməsi, müxtəlif partiyaların nümayəndələrinin Milli Məclisin və
komitələrinin rəhbərliyində təmsil olunması ölkədə çoxpartiyalı sistemin
təkmilləşdirilməsinə xidmət edir.
Ölkə başçısı xüsusi vurğulamışdır ki, fərqli baxışlardan asılı olmayaraq, hər
bir siyasi qüvvə üçün bir amal müqəddəs olmalıdır, o da dövlətçilik,
müstəqillik, azadlıq, rifah və inkişafdır.
Bu günlərdə Ədliyyə Nazirliyində Azad Demokratlar Partiyasının və Yeni Zaman
Partiyasının qeydiyyat ilə bağlı müraciətlərinə əsasən təqdim olunmuş təsis
sənədlərinin qanunvericiliyə uyğunluğu məsələsi öyrənilmiş və onların dövlət
qeydiyyatına alınması barədə qərar qəbul edilib.
Bununla bağlı, aprel ayının 16-da Ədliyyə Nazirliyinin rəhbərliyi ilə
qeydiyyata alınmış partiyaların sədrləri Sülhəddin Əkbər və Musa Ağayev
arasında görüş keçirilmiş və onlara dövlət qeydiyyatı haqqında şəhadətnamələr
təqdim edilib. Partiya rəhbərləri ölkə başçısının iradəsi ilə çoxpartiyalı
sistemin inkişafı sahəsində başlanmış prosesi dəstəklədiklərini vurğulayaraq,
görülən işlərlə bağlı razılıqlarını ifadə etmiş və bu istiqamətdə atılan
addımların dövlətçiliyimizin möhkəmləndirilməsinə xidmət edəcəyinə
əminliklərini bildiriblər.
Prezident Administrasiyasında yeni
yaradılmış "Siyasi partiyalar və Qanunvericilik Hakimiyyəti ilə
əlaqələr" şöbəsinin yaradıldığı ilk gündən Ölkə prezidentinin apardığı
siyasi xəttə uyğun olaraq siyasi partiya rəhbərləri ilə işgüzar görüşlərin
keçirilməsi, onların fəaliyyətində olan müəyyən çətinliklərin aradan
qaldırılması, verilən təkliflərin diqqətlə öyrənilməsi, əsasəndə
azərbaycançılıq fəlsəfəsinin ön plana çəkilməsi daha mütərəqqi siyasətin
təzahürüdür. Qanunvericilik və demokratik institutların inkişaf etdirilməsində
xüsusi fəallıq hiss olunur.
Azərbaycan
Prezidenti cənab İlham Əliyevin dövlət strukturlarında apardığı islahatlar
haqda nə deyə bilərsiniz?
Bu gün cənab Prezidentin dövlət strukturlarında
apardığı islahatlar, kadrların cavanlaşdırma siyasəti, yeni savadlı
kadrlarınişlə təminedilməsıdeməyəəsas verir ki,
Azərbaycanda hər sahədə inkişafln olması-gələcəyimiz, gələcək
dövlətimizinetibarlı əllərdəolması deməkdir.
Hesab edirəm ki,
islahatların istiqamətinin və hədəflərinin düzgün müəyyənləşdirilməsi, ölkənin
sosial-iqtisadi inkişafını sürətləndirərək əhalinin rifahını yaxşılaşdıracaq
və aparılan islahatlar öz bəhrəsini verəcək.
İlqar QURBAN
