Azərbaycan Dövlət Pantomima Teatrının gənc istedadlı aktyoru Elxan Şahaliyev səmimi açıqlamaları ilə GunAz.az –ın həmsöhbəti oldu.
Elxan Şahaliyevi aktyor edən səbəb nədir?
-Məni aktyor edən səbəb rahatlığımı tapmaqdır. İçimdə olan kədəri, qəmi teatrda, səhnədə unuduram.
Aktyorluğa ilk addımınız nə olub?
-Azərbaycan Dövlət Mədəniyyət və İncəsənət Universitetinin teatr və kino aktyoru fakultəsini bitirmişəm. Üçüncü kurusda artıq Pantomima teatrında fəaliyyətə başlamışam. 3 ildir ki, teatrda çalışıram və bura gəlməyim tamamilə təsadüfən oldu. Belə ki, pantomima teatrına gəlmişdim məni Azərbaycan Respublikasının xalq artisti Bəxtiyar Xanızadə gördü və qərara gəldi ki, müvəqqəti məni yoxlasın, teatra uyğunam ya yox. Mən 2 ay çalışdıqdan sonra teatrın rəsimi işçisi oldum.
Pantomima teatrı sözlərdən istifadə olunmayan tamaşalardır. Bəs jestləri, hərəkətləri yadda saxlamaq sizin üçün çətin olmur ki?
- Hisslərin hərəkətləri çətin olmur, istər – istəməz öyrəşirsən. Ruhun qidası deyilən bir şey var, mən də öz ruhumun qidasını bu teatrda tapmışam. Düzdü çətinliklər ilk əvvələr çox olurdu lakin məşqlər, tamaşalar oynadıqca daha asan oldu. Bəzən indi də elə hərəkətlər var ki, üzərində çox çalışmalı oluram.
Pantomima teatrının bugünki vəziyyəti, şəraiti sizi qane edirmi?
-Bəli, pantomima teatrının bugünki vəziyyəti, şəraiti qane edir. Təbii ki, bəzi düzələcək işlər var, lakin şükür Allaha teatrda tamaşalar oynuyuruq. Aktyorun qane olması ondan ibarətdir ki, səhnədə olsun, tamaşalarda rol alsın buda bizdə var. Bəxtiyar Xanızadə bizə şərait yaradır öz daxili dünyamızı açmağa. Tamaşalarda rol alırıq buda məni qane edir. Kifayət qədər tamaşalarda rollarım var, narazı deyiləm hər şeydə çox yaxşıdı, qaydasındadır.
Elə an olubmu ki, tamaşaçı sizin ona çatdırmaq istədəyinizi anlamasın?
-Tamaşaçılardan soruşsaz, daha yaxşı olar (gülür). Bəlkə də ola bilər, amma Bəxtiyar müəllim bizi elə hazırlayır ki, tamaşaya çıxanda tamaşaçı bizi başa düşsün bunun başqa variantı yoxdu. Çünki çoxlu məşqlər edirik, hər bir jestin, hərəkətin üzərində çox işləyirik. Mən ümid edirəm ki, tamaşaçılar bizim nə demək istədiyimizi oxuyur, anlayır.
Günümüzdə tamaşıçıların teatra marağı nə qədərdir?
-Biraz çətin sual oldu...(düşünür) Bilirsiz tamaşaçılarımız arasında ən çox gənclər təşkil edir yaşlılarda, uşaqlarda var lakin bunun kütləvi şəkildə artımasını arzu edirəm çünki o qədər də ürək açan deyil. Mənəviyyatın əyələncəsidə var, ruhun qidası teatrdı və ümid edirəm ki, teatra gedən tamaşaçılarımızın sayı daha da artacaq.
Seriallara təklif alırsız?
-Xeyir, seriallara təklif almamışam.
Təklif gəlsə qəbul edərsiz?
-Serial indi ki, dövrdə pul qazanmaq yeridir. Serialda sənət, ruhun qidası yoxdur, birmənalı olaraq puldu. Madiyyata görə çəkilmək olar. Sırf daha da tanınmaq üçün deyil, bunlar mənim üçün o qədər də maraqlı deyil. Təklif alsam hərhalda qəbul edərəm.
Arzuladığınız yerdəsiz?
-Bəli, arzuladığım yerdəyəm. Digər işlərdə işləmişəm ancaq arzulamadığım yer olmadığına görə çox qalmamışam. 3 il teatrda işləyirəmsə demək arzuladığım yerdəyəm. Hələ gəncəm inşallah daha da yuxarı pillələrə qalxaram oda ki, insanın özündən aslıdır.
Gələcək hədəfləriniz və xəyallarınız...
-Gələcək hədəfim teatrda işləmək, tamaşalarda rollar ifa etmək, yaxşı rejisorların filmlərinə çəkilmək məsələn Elxan Cəfərovun filmində çəkilmək istərdim.
Elxan bəy, qısametrajlı filmlərə çəkilmisiz bu barədə fikirlərinizi bizimlə bölüşərsiz?
-Bizim teatrda gənc rejissor Cavad Nuriyevin qısametrajlı filimində çəkilmişəm “İkimizin Hekayəsi” traileri kitab festivalında ikinci yerin qalibi olub. Bu yaxınlarda “3 Divar” adlı qısametrajlı filmə çəkildim və bu filimdə festival üçündür. Keçən ildə teatrımızın aktrisası Səbinə Hacıyevada qısametrajlı film çəkmişdi, şeirlərdən ibarət kampazisya idi, burada şeirləri mən səsləndirmişəm. Hələki filmə gedən yolda yavaş-yavaş addımlayıram...
Sosial mediada şeirlər səsləndirdiyiniz videolarınız var. Bunun üzərində çalışırsız və davamı olacaqmı?
-Hər bir aktyor şeir söyləməyi bacarmalı olduğunu düşünürəm. Şeir insanın daxili aləmidir, şeir insanın hissləridir. Şeirə böyük hörmətim var, Azərbaycan klassiklərini şeirlərini oxumağı çox sevirəm. Ən çox sevdiyim şairlər Ramiz Rövşən, Məmmədhüseyn Şəhriyyar,Bəxtiyyar Vahabzadə, Məmməd Arazdır. Bu dəyərli şairlərin şeirlərini başa düşmək, oxumaq böyük istedad tələb edir. Demirəm ki, mən öhtəsindən gəlirəm, lakin əhatəmdə olan insanlar söyləyir ki, bu səndə alınır. Şeir ilahi qüvvədir, şeir deməyi bacaran inasının hissləri gözəl olur, daxili aləmi gözəl olur. Şeirdə incə məqamlar var onları açmağı bacarmaq lazımdır. Gələcəkdə inşallah davam etmək istəyirəm.
Elxan bəy sizə işlərinizdə uğurlar arzu edirik. Dəyərli vaxtınızı ayırıb gəldiyiniz üçün çox sağolun.
-Siz sağ olun Səidə xanım.
Səidə Seyidova