Milləti sevənlər beləmi olur?

Bayraqdan əyninə biri don biçir,

Guya ki, vətənin təsibin cəkir.

Saxta maskalılar yanımdan keçir,

Dövləti sevənlər beləmi olur?

Kürsüdən baxanda görmür məzlumu,

Xalqa qənim olur , edir zulumu ,

Yadına da salmır bir vaxt ölümü .

Milləti sevənlər beləmi olur?

Gəzdir bayrağımı başının üstə,

Gəzdir eyb eləməz sinənin üstə,

Əməlinlə qaldır göylərin üstə,

Qürur duyaq səndən , ey vətən oğlu.

Baxsan görəcəksən uca zirvədən ,

Düşmənlər məhf olar ağır zərbədən ,

Məxmər don yaraşmaz geysə hər bədən,

Şəhid qanı axan bayrağı qoru .

Dövlətin rəmzidir üç rəngli bayraq ,

Sərhəddə qoruyur ,əsgərim oyaq ,

Bayrağı zirvədə , uca saxlayaq .

Bayraq ürəyimin döyünən nəbzi ,

Bayraq dövlətinin qüruru, rəmzi .