Ruanda çempionatında keçirilən bir qarşılaşmada ağlasığmaz olay yaşanıb. "Mukura Viktor Sports” və "AS Kiqali” komandaları arasında keçirilən oyunda meydan sahiblərinin qapıya cadu etdikləri iddia olunub. "Mukura Viktor Sports” hesabda 1-0 irəlidə ikən rəqib futbolçu qapı dirəyinin yanına basdırılmış nəsnəni götürərək, ehtiyat oyunçular skamyasındakı yoldaşlarına verib. Onun hərəkəti rəqib oyunçuları özündən çıxarıb, onlar nəsnəni geri almaq istəsələr də, buna nail ola bilməyiblər. Qəribədir ki, olaydan cəmi 7 dəqiqə sonra həmin oyunçu hesabı bərabərləşdirib və matç 1-1 başa çatıb.
