Kaliforniya hökuməti 39 il həbsxanada olmuş amerikalıya 21 milyon dollar təzminat ödəyəcək.
“Qafqazinfo” xarici KİV-ə istinadən xəbər verir ki, Kreyq Kouli 1978-ci ildə sevgilisini və 4 yaşlı oğlunu öldürməkdə təqsirli bilinərək həbs olunub. 2017-ci ildə isə Kouli əfv olunanlar siyahısına düşür və azadlığa çıxır.
Onun həbsxanadan çıxarkən 70 yaşı olub. Kreyqin günahsızlığı isə aparılan DNT analizlərindən sonra sübut olunub.
