Çinin Şenyang şəhərində yaşayan universitet tələbəsi Vang Xiaoven, supermarketdən aldığı pomidoru dişləyəndə gördüyünə inanmayıb. Pomidorun ortasında görünən çiyələk toplumda və media böyük əks-sədaya səbəb olub. Xarici mediaya istinadla bildirilir ki, 24 yaşlı çinli tələbə pomidoru dişləyəndə içindəki çiyələyi hiss edib. İçindən çiyələk çıxan pomidorun fotoşəkillərini sosial mediada paylaşıb, dadının və görüntüsünün normal olduğunu qeyd edib.
Tvitter hesabından etdiyi paylaşımında "Pomidor yeməyə davam edə bilərəmmi” deyə sual edən gəncin soruğusunun altında çoxlu cavablar yazılıb. Bəzi sosial media istifadəçiləri isə bu vəziyyətin genetik dəyişdirmə eksperimentləri nəticəsində əmələ gəldiyini irəli sürüblər. Şərh yazanlar hətta bunu cəhənnəmin əlamətlərindən biri kimi qiymətləndirərək, Allahın qəzəb anının yaxınlaşdığını yazıblar.
