Uzun boyuna görə avtomobil sürməyi qadağan olundu – FOTOLAR

Məhkəmə hakiminin fikrincə Elliotun belə maşın sürməsi digər sürücülərin fikrini yayındırırmış.
Boyunun uzun olması ilə gigər sürücülərin diqqətini yayındırdığına görə, məhkəmə britaniyalı gəncə maşın sürməyi qadağan edib. Bu barədə  The Telegraph məlumat yayıb.
Nyukasl sakini 26 yaşlı Adam Elliot Ford Ka kabrioletində gedərkən polis tərəfindən saxlanılıb. Onların sözlərinə görə, ön pəncərədən ucalan kişinin başı hüquqmühafizəçilərin diqqətini cəlb edib. Polislər Elliotu avtomobili ayaq üstə idarə etməkdə şübhəli biliblər.
Lakin məlum olub ki, avtomobil satışı ilə məşğul olan şəxsin boyunun 200 sm-dir və o, müştərisi üçün apardığı avtomobilə sadəcə sığışmırmış.
Məhkəmə hakiminin fikrincə Elliotun belə maşın sürməsi digər sürücülərin fikrini yayındırırmış. Bu səbəbdən gəncə maşın sürmək müvəqqəti olaraq qadağan olunub.