Qol vurdu, diz çökdü, evlilik təklifi etdi - VİDEO

Futbol üzrə Quam çempionatında maraqlı hadisə yaşanıb. "NAPA Rovers” klubunun hücumçusu Eşton Surber qol vurduqdan sonra sevgilisinə evlilik təklifi edib. 
Matçın 35-ci dəqiqəsində fantastik akrobatik zərbə ilə topu doqquzluğa vurub. Qoldan sonra futbolçu formasını çıxardaraq tribunadan matçı izləyən sevgilisinə diz çökərək evlilik təklifi edib. Oyunun baş hakimi qaydalara əsasən futbolçuya sarı kart verərək xəbərdarlıq edib. Sevgilisindən "hə” cavabı alan futbolçunu hakimin xəbərdarlığı məyus etməyib. 
Qeyd edək ki, matç 5-1 hesabı ilə bitib. "NAPA Rovers” klubu "Quam Şipyard” klubunu məğlub edib. 

Gunaz.az