Rusiyanın Yekaterinburq şəhərində terror aktı hazırlayan üç silahlı xüsusi əməliyyatın gedişatında məhv edilib.
GunAz.az xəbər verir ki, bu barədə TASS-a Terrorçuluğa qarşı Milli Komitənin informasiya mərkəzində bildirilib.
"Rusiyanın Federal Təhlükəsizlik Xidmətinin əməkdaşları Yekaterinburqda terror aktlarına hazırlığın qarşısını alıb. Yekaterinburqun Çkalovsk rayonunda antiterror əməliyyatı keçirilib. Əməliyyatın gedişatında terror fəaliyyətinə cəlb olunmuş üç quldur zərərsizləşdirilib", - komitədən bildirilib.
Əməliyyatın keçirildiyi yerdə əldəqayırma partlayıcı qurğular, silah-sursat aşkar edilib.
