Əhməd Qəşəmoğlu
Gün ərzində xeyli jurnalistlərlə, məsul işçilərlə, məmurlarla təmasda oluram. Sosioloq olduğumdan təbii ki, onların bir çoxu mənə belə bir sual verir: Filan sosial sahədəki filan problemi həll etmək üçün hansı tədbirləri görməyi məqsədəuyğun hesab edirsiniz? Mənim cavabım bir qayda olaraq belə olur: filan təcili, çevik tədbirləri görmək olar. Amma günü-gündən mürəkkəbləşməkdə olan cəmiyyətdə sosial problemi həll etmək üçün mütləq elmi araşdırmalar aparmaq, elmi metodların köməyi ilə ciddi Konsepsiya, Fəaliyyət Proqramı hazırlamaq və onu həyata keçirmək lazımdır.
Eləki, söhbət elmin köməyindən düşdü bir qayda olaraq hamı, xüsusi olaraq məmurlar etinasız baxır. Bu bizim çox böyük bəlamızdır. Artıq 200 ilə yaxın vaxtdır ki, sosial sahələrdiki problemləri tənzimləmək, idarə etmək üçün xüsusi elm sahələri formalaşır Qabaqcıl ölkələr hamısı bu metodların köməyi ilə qabaqcıl olub. Onlar bizim ölkəmizdə öz maraqlarını da bu elmlərin köməyi ilə həyata keçirirlər. İlk növbədə bu sahədə ciddi mütəxəssislər hazırlayırlar. Bizdə isə, elmin köməyindən danışanda çoxları əsəbləşir....
