Dövlətimizin inkişafı, dövlətçiliyimizin qorunması üçün hər bir Azərbaycan vətəndaşı harada , necə işləməyindən asılı olmayaraq həmişə dövlətimizin keşiyində durmalıdır. Bu, bizim istəyimizdir , amma bunu dövlətimizdə mühüm vəzifələr tutan məmurların bir hissəsi istəyirmi? Bunu ictimaiyyətin öhdəsinə buraxmaq lazım deyil , onsuz da bəzi məmurlar və onların övladları gec-tez ictimaiyyətə öz xislətlərini çatdırırlar. Baş nazirin müavini Əli Həsənovun nəvəsinin məlum hərəkətləri ictimaiyyət arasında böyuk narazıçılıq yaradıb. Başqalarının üstünə sifət turşudan "Qaçqınkom"-un sədri onun-bunun boğazından kəsib əcdadına milyardlar yığanda və onun hətta nəvə-nəticəsi yağ-bal içində üzəndə, hətta onlar səmada da qanad açıb uçmaq istəyəcəklər. Onları nə dövlət , nə millət , nə də ki, qaçqınlar maraqlandıracaq, çünki onları tərbiyə edən dövlətçiliyimizə, doğma övladlarına, xalqının övladlarına bilmədən zərbə vurur. Dövlətin , Xalqın pulunu dağıdan məmurlar gec-tez belə özlərini ifşa edəcəklər.
Cənab məmurlar! Dövlətimizin qarantı, Azərbaycan xalqının güvəncı Prezidentimiz İlham Əliyevə ləyaqətlə xidmət edin ki, Xalq sizi sevsin , onların nifrətinə tuş gəlməyin.