Azərbaycan Mərkəzi Bankının sədri növbəti devalvasiyanın müzakirə mövzusu olmadığını bildirib.
"Bizim qayğılarımız yalnız texniki problemlərdir - əhalinin və bankların valyuta tələbini dolğun və fasiləsiz ödənilməsidir. Devalvasiya müşavirələrdə də heç bir dəfə də olsun müzakirə mövzusu olmayıb.
2015-2016-cı illərdə reallıqlar başqa idi. Neftin qiyməti birdən birə 140 dollardan 35 dollara düşdü. O vaxt büdcədə neftin qiyməti 90 dollar idi. O vaxt ölkə müflis ola bilərdi. Həmin o dövrdə də pisxoloji təsir, kölgə iqtisadiyyatı var idi. Çox ciddi kölgə iqtisadiyyatı, nağd pul dövriyyəsi var idi. Vəsaitlər banklardan kənar olduğuna görə o pullar ölkə üçün ciddi iqtisadi problemlər yaradırdı. O dövrdə kölgə iqtisadiyyatı amili də ciddi rol oynadı.
