SON DƏQİQƏ
» » Azərbaycan koronavirusla mübarizə üçün İrana 5 milyon dollar yardım göstərəcək

Azərbaycan koronavirusla mübarizə üçün İrana 5 milyon dollar yardım göstərəcək

Tarix:

7-03-2020, 17:57

/ 2 005 dəfə oxundu.
Azərbaycan koronavirusla mübarizə üçün İrana 5 milyon dollar yardım göstərəcək

Koronavirus (COVİD-19) infeksiyasına qarşı mübarizə məqsədilə Azərbaycan Respublikası hökuməti tərəfindən humanitar əsaslarla İran İslam Respublikasına 5 milyon ABŞ dolları məbləğində maliyyə yardımının göstərilməsi barədə qərar qəbul edilib.

Nazirlər Kabinetinin mətbuat xidmətindən verilən məlumata görə, Nazirlər Kabineti tərəfindən 2020-ci ilin dövlət büdcəsində nəzərdə tutulmuş Ehtiyat Fondundan bu vəsaitin ayrılmasına dair Sərəncam qəbul olunub.

Azərbaycan Respublikası və İran İslam Respublikası arasında dostluq və mehriban qonşuluq münasibətləri mövcuddur. COVİD-19 virusunun yayılmasının qarşısının alınması məqsədilə iki ölkənin aidiyyəti nazirlik və dövlət qurumları sıx əməkdaşlıq edir: “Azərbaycan Respublikası COVİD-19 virusuna qarşı mübarizə çərçivəsində beynəlxalq birliyin səylərini dəstəkləyir, Ümumdünya Səhiyyə Təşkilatı ilə səmərəli əməkdaşlığını davam etdirir”.

скачать dle 12.1

Şərhlər

XƏBƏR LENTİ