Rusiyanın “Rosneft” şirkəti İraqda yeni neft yatağı kəşf edib.
Gunaz.az xəbər verir ki, bu barədə şirkət məlumat yayıb.
“Rosneft” şirkətlər qrupuna daxil olan “Bashneft International B.V” şirkəti İraqda Blok 12 ərazisində ilk kəşfiyyat quyusunda qazmanın nəticələrinə əsasən yeni neft yatağı aşkarlayıb və yataq “Salman” adlandırılıb. Kəşfiyyat quyusu 4 277 metr dərinliyə qazılıb”,-məlumatda qeyd olunub..
Blok 12 İraqın cənub-qərbində yerləşir və 7 680 kvadrat km ərazini əhatə edir. Layihənin operatoru “Bashneft International B.V.” şirkətidir.
