Rusiya, İran və Türkiyə 2022-ci ilin fevral-mart aylarında Tehranda Astana formatında sammit keçirmək barədə razılığa gəliblər.
Bunu İran xarici işlər nazirinin xüsusi siyasi məsələlər üzrə baş məsləhətçisi Əli Əsgər Hacı deyib.
"Bəli, sammit planlaşdırılır. Gələn ilin əvvəlində onu keçirməyə hazırlaşırıq. Bu, pandemiya vəziyyətindən asılı olacaq. Amma bütövlükdə biz sammit keçirməklə bağlı razılaşdıq. Çox güman ki, fevral və ya martda biz bu sammiti keçirə biləcəyik”, - Hacı bildirib.
