AVRO-2020-nin Türkiyə - Uels oyunundakı (0:2) tamaşaçı sayı bəlli olub.
Bakı Olimpiya Stadionundakı qarşılaşmanı 19 min 762 azarkeş izləyib. II turun A qrupunda keçirilən bu görüş ölkəmizdəki ikinci Avropa çempionatı matçı olub. İyunun 12-də baş tutan Uels - İsveçrə matçında (1:1) daha az 8 min 782 tamaşaçı qeydə alınıb.
Qeyd edək ki, Bakıda qrup mərhələsinin daha bir matçı baş tutacaq. İyunun 20-də Türkiyə İsveçrə ilə qarşılaşacaq. İyulun 3-də isə 1/4 final matçı baş tutacaq.
