Bu gün Avropa Liqasının qrup mərhələsində 3-cü turun oyunlarına start verilib
GunAz.az xəbər verir ki, turnirdə ölkəmizin təmsil edən "Qarabağ" da növbəti matçına çıxıb. “Köhlən atlar” Bakıda Kiprin APOEL klubunu qəbul edib. Erkən qolla irəli keçən komandamız daha sonra 2 qol buraxıb və fasiləyə məğlub yollanıb. İkinci hissədə Ailtonun vurduğu qolla hesabı bərabərləşdirən "Qarabağ" matçın sonuna kimi çox çalışsa da, qələbə qolunu vura bilməyib
Qeyd edək ki, cari mövsüm UEFA Çempionlar Liqasının 3-cü təsnifat mərhələsində Ağdam klubu məhz bu komanda ilə qarşılaşmışdı. Amma səfərdə 2:1 hesablı qələbə qazanan təmsilçimiz Bakıda 0:2 hesabıyla uduzaraq ÇL-dən kənarda qalmışdı.
24 oktyabr
Avropa Liqası
A qrupu
20:55. “Qarabağ” (Azərbaycan) - APOEL (Kipr) - 2:2
Qol: D.Kintana, 13, Ailton, 59 - İoannou, 29, Hallenius, 45
Hakimlər: Filip Qlova, Ona Frantişek Ferenç, Yan Pozor, Peter Ziemba (hamısı Slovakiya).
Bakı. Tofiq Bəhramov adına Respublika stadionu.
