SON DƏQİQƏ

"Neftçi" Avropa Liqasına darmadağınla başladı

Tarix:11-07-2019, 23:39 Oxunub:1 165

Avropa Liqasında I təsnifat mərhələsinin ilk oyunları keçirilir.

GunAz.az xəbər verir ki, Bakının “Neftçi” klubu mövsümə səfərdə başlayıb.

“Ağ-qaralar” Moldovada “Speranta” ilə üz-üzə gəlib. Vaxtilə bu ölkədə çalışan Roberto Bordinin rəqibi daha yaxşı tanıması paytaxt klubunun lehinə olub.

Matçın əvvəlindən təşəbbüsə yiyələnən Topaz Premyer Liqasının gümüş medalçısı yekunda qələbə qazanıb. Oyunda hesabı 16-cı dəqiqədə Emin Mahmudov açıb. "Neftçi"nin kapitanı penaltidən rəqibi cəzalandırıb.

Bu qoldan sonra daha inamlı təsir bağışlayan Azərbaycan klubu 36-cı dəqiqədə ev sahiblərini yenidən mərkəzə dəvət edib. Stiven Jozef-Monroz "Neftçi"də debüt oyununda qol hesabını açıb.

İkinci hissədə hər iki komandanın qol şansı olub. Lakin bundan dəqiqliklə Roberto Bordinin yetirmələri yararlanıblar. Rəhman Hacıyev hesabı 3:0-a çatdırıb və oyun da bu hesabla - darmadağınla yekunlaşıb.

Komandalar cavab oyununu iyulun 18-də keçirəcəklər. Bu matçda da "Neftçi"nin qalib gələcəyi gözləniləndir.

скачать dle 10.6фильмы бесплатно

FACEBOOK ŞƏRH

SON XƏBƏRLƏR

İDMAN

<