Dünən axşam Avropa Liqasının III təsnifat mərhələsinin ilk oyunu çərçivəsində Avstriyanın “Şturm” və Kiprin AEK komandaları arasındakı matçda insident baş verib.
GunAz.az xəbər verir ki, matçın 78-ci dəqiqəsində tribunadan atılan şüşə qab yan xətt hakiminin başını yarıb.
Qan içində yerə yıxılan hakimə ilkin tibbi müdaxilə göstərildikdən sonra isveçli baş hakim Məhəmməd əl-Hakim komandaları paltardəyişmə otağına göndərib.
40 dəqiqə sonra davam etdirilən oyunda qonaq AEK klubu 2:0 hesablı qələbə qazanıb.
Qeyd edək ki, “Şturm” klubu hadisəni törədən azarkeşin saxlanıldığını açıqlayıb.