Avropa liqasında çıxış edəcək komandaların I təsnifat mərhələsi üçün püşkatma mərasimi keçirilib.
Gunaz.az xəbər verir ki, ölkəmizi turnirdə təmsil edəcək klublarımızın rəqibləri müəyyənləşib.
Azərbaycan kubokunun sahibi "Keşlə" Maltanın "Baltsan" komandası ilə qarşılaşacaq. İlk oyun iyulun 12-də səfərdə keçiriləcək.
Premyer Liqanın gümüş mükafatçısı "Neftçi" Macarıstan "Uypeşt"i ilə üz-üzə gələcək. İlk oyun Bakıda olacaq.
"Qəbələ" isə Lüksemburq "Proqres"inə rəqib olub. İlk oyun səfərdə baş tutacaq.
Qeyd edək ki, I təsnifat mərhələsinin ilk oyunları iyulun 12-də, cavab görüşləri isə iyulun 19-da keçiriləcək.