Bu gün Cənubi Koreyanın Pxençxan şəhərində təşkil olunan XXIII Qış Olimpiya Oyunlarının açılış mərasimi baş tutub.
Gunaz.az xəbər verir ki, mərasimdə Azərbaycan nümayəndə heyətinin də keçidi olub.
Bayraqdar funksiyasını Azərbaycanın yeganə təmsilçisi, dağ xizəkçisi Patrik Braxner yerinə yetirib.
Keçiddə Azərbaycanın şef de-missionu Anar Bağırov, Gənclər və İdman Nazirliyinin İdman şöbəsinin müdiri Fərid Mansurov və Azərbaycan Dağ Xizəkçiliyi Federasiyasının prezidenti Rauf Xəlilov iştirak edib.
Qeyd edək ki, Olimpiadaya 3000-ə yaxın idmançı qatılıb.
