Qrupdan 1-ci yerlə çıxmaq bizim hədəfimiz idi. Hazırda Azərbaycan millisini təhlili ilə məşğuluq.
Gunaz.az apasport.az-a istinadən xəbər verir ki, bu sözləri futzal üzrə Portuqaliya millisinin oyunçusu Marsio deyib.
AVRO-2018-in 1/4 finalında Azərbaycan yığması ilə görüşəcək pireneylilərin futzalçısı bu gün keçiriləcək görüş haqda fikirlərini bildirib:
"Qrup mərhələsində yaxşı komanda təsiri bağışladıq. İndi artıq nəticə üçün oynayacağıq. Azərbaycan millisi çox yaxşı komandadl. Lakin biz daha çox öz oyunumuza köklənməliyik. Öz işimizi görüb, məşqlərimizi davam etdirsək, hər şey istədiyimiz kimi olacaq".
