Bu gün Bakı "İnter"i Avropa Liqasının II təsnifat mərhələsi çərçivəsində ilk görüşünə çıxıb.
GUNAZ.azxəbər verir ki, rəqib Lüksemburqun "Fola Eş" komandası olub. "Dalğa Arena"da keçirilən qarşılaşma gərgin mübarizə şəraitində keçib. "İnter" əvvəlki mərhələdə Serbiya "Mladost"unu səfərdə 3:0, evdə 2:0 hesablı qələbələrlə üstələsə də, bu dəfə xeyli çətinliklə üzləşdi. Oyunun taleyini son dəqiqədə Mirhüseyn Seyidovun vurduğu qol həll etdi. "Quru" hesablı qələbə səfər matçında "İnter" üçün əlavə üstünlük sayıla bilər.
Avropa Liqası. II təsnifat mərhələsi, ilk oyun 12 iyul 20:00. "İnter" (Azərbaycan) - "Fola Eş" (Lüksemburq) 1:0
M.Seyidov, 90. Baş hakim: Eytan Şmuelvits Yan xətt hakimləri: Nissan Davidi, Saqi Mazamber Dördüncü hakim: Daniel Bar Natan (hamısı İsrail) Bakı, "Dalğa Arena"