Bakıda keçirilən İslam Həmrəyliyi Oyunları çərçivəsində qadın həndbolçular arasında keçirilən yarışda bu gün II turun matçları oynanılıb. İlk görüşdə Kameruna qalib gələn Azərbaycan millisi Özbəkistan yığması ilə qarşılaşıb.
Görüş Azərbaycan yığmasının qələbəsi ilə yekunlaşıb. İlk hissəni 23:9 hesabı ilə aktivinə yazan Georgi Voronovun yetirmələri yekunda 26 top fərqi ilə qalib gəliblər.
Digər oyunda isə Türkiyə Kamerundan güclü olub.
Beləliklə, 2 turdan sonra yığmamız və "ay-ulduzlular” 4 xal toplayıblar. Bu komandalar sabah öz aralarında birinci pillənin sahibini müəyyənləşdirəcəklər.
