Ronaldu: "Vidal penaltini dəqiq yerinə yetirsəydi...."

"Real Madrid"in hücumçusu Kriştianu Ronaldu Çempionlar Liqasının 1/4 final mərhələsində "Bayvariya"ya qarşı keçirilən ilk oyunda 2 qol vurmaqla komandasına qələbə qazandırıb. 
Gunaz.az goal.az-a istinadən bildirir ki, matçdan sonra portuqaliyalı ulduz bunları deyib:
""Bavariya" ilə oyunda qalib gəlmək çətin vəzifədir. Amma fasilədən dərhal sonra fərqlənib vəziyyəti yoluna qoyduq. Cavab oyunu öncəsi yaxşı durumdayıq. Futbolda sürprizlər çox olur. Vidal penaltini dəqiq yerinə yetirsəydi, oyun başqa cür alına bilərdi. Mənə şübhə edənlərin az olduğunu düşünürəm. Oyunumu izləyənlər nəyə qadir olduğumu bilir".