Futbolda toqquşmalar baş verib, ölən və yaralananlar var
Tarix:
13-02-2017, 08:47
/ 5 917 dəfə oxundu.
Rio-de-Janeyro şəhərində Braziliya çempionatı çərçivəsində bu gecə keçirilmiş "Botafoqo” – "Flamenqo” matçı öncəsi futbol azarkeşləri arasında qanlı toqquşmalar baş verib. TASS agentliyinin verdiyi xəbərə görə, polis kütləni dağıtmaq üçün gözyaşardıcı qaz və rezin güllələrdən istifadə etmək məcburiyyətində qalıb.
Buna baxmayaraq fanatlar arasında baş verən çoxsaylı toqquşmaların birində sinəsindən güllə yarası alan azarkeş ölüb. Azı 7 nəfərin xəsarət aldığı bildirilir.
Fevralın 13-ə keçən gecə keçirilən "Botafoqo” – "Flamenqo” matçı 1:2 hesabı ilə başa çatıb.