Adil Əliyev: "Hər bir İdman klubunun yaranması, uşaqlarımızın sağlam böyüməsi deməkdir"-FOTO
Tarix:
12-02-2017, 15:43
/ 6 193 dəfə oxundu.
11 fevral 2017-ci il tarixində Xəzər rayonu, Buzovna qəsəbəsində yerləşən 5 nömrəli Texniki Peşə məktəbində "Ali İdman Klubu”nun təşkilatcılığı,Gunaz.az saytının informasiya dəstəyi ilə Azərbaycan Kikboksinq Federasiyasının "Ali İdman Klubu”nun acılış mərasimi kecirilmişdir Kikboksinqçilərin, media nümayəndələrinin iştirakı ilə keçirilmiş tədbiri ,Azərbaycan Kikboksinq Federasiyasının Prezidenti ,millət vəkili Adil Əliyev açaraq idmançıları salamladı, sonra Azərbaycanın dövlət himni səsləndirildi. Adil Əliyev kikboksinqçilərə uğurlar arzuladi ""Ali İdman Klubu”nun rəhbəri üçqat dünya çempionu Məhəmməd Babayevin hazırlaşdırdığı idmançılarımız yeni-yeni qələbələr qazanacaqdır. İdman həm sağlamlıqdır, həm də yeniyetmələrimiz zərərli vərdişlərdən uzaq olmaqla sağlam böyüməlidirlər ki, Azərbaycan bayrağını həmişə ən yüksəklərdə dalğalandırsınlar."- Sonra Azərbaycanın müxtəlif bölgələrindən gəlmiş idman klublarının kikboksinqçiləri döyüşə atıldılar. Yarışda 17 klub iştirak edirdi. Münsiflər heyəti qalibləri mükafatlandırdılar. Yeniyetmələr arasinda gərgin keçən döyüşlərin birində idmançılardan biri zədələndi. Yarışı diqqətlə izləyən AKF -nın Prezidenti, millət vəkili məşqçilərə bildirdi ki ,yeniyetmələr yarışlara təzə qatılırlar, onları öyrədin ki , yumşaq zərbələr vursunlar. Axi bu yeniyetmələr təzə öyrənirlər. Dəyərli məsləhətlərdən sonra yeni klubun açılışı ilə əlaqədar tort kəsmə mərasimi oldu, iştirakçılar idmançıları klubun açılışını alqışladılar. Sonda "Ali İdman Klubu”nun rəhbəri Məhəmməd Babayev Adil Əliyev başda olmaqla federasiyanın vitse prezidentlərinə, idarə heyətinin üzvlərinə və media nümayəndələrinə təşəkkürünü bildirdi.
