İspaniya Kral Kubokunda "Real Madrid” gərgin keçən oyunda səfərdə "Sevilya” ilə 3-3 bərabərə qalaraq, məğlubiyyətsizlik seriyasını 40 matça çatdırıb və tarixi rekordu yeniləyib. Oyunun son dəqiqələrinə qədər 3-1 hesabı ilə geridə olan "Real Madrid” 83-cü dəqiqədə Ramosun penaltisi ilə hesabı 3-2 edib. 90+3-cü dəqiqədə səhnəyə çıxan Kərim Benzema "Real”ı məğlubiyyətdən xilas edərək, tarixi nəticənin memarı olub. Bununla da ilk oyunda 3-0 qələbə qazanan Kral klubu ümumi nəticəyə görə (6-3) növbəti mərhələyə yüksəlib. Kral klubu bu bərabərliklə əzəli rəqibi "Barselona”nın 39 matç məğlubiyyətsizlik seriyasını keçərək, İspaniya La Liqasında ən uzun müddət məğlub olmayan komanda kimi tarixə düşüb.