Suriya prezidenti Bəşər Əsəd Qazaxıstanın Astana şəhərində keçirilməsi planlaşdırılan Suriya ilə bağlı toplantı öncəsi açıqlama verib. Suriya lideri sülh danışıqlarında istənilən mövzunu müzakirə etməyə hazır olduğunu söyləyib. Dövlət başçısı həmçinin bildirib ki, danışıqlar masasında qarşı tərəfdən kimlərin olacağını hələ bilmir. Dəməşqdəki su probleminə toxunan Əsəd əsas su mənbələrinin işğal edildiyini və onları geri almaq üçün ordunun hərəkətə keçəcəyini deyib. Qeyd edək ki, Türkiyə, İran və Rusiyanın vasitəçiliyi ilə Astana sülh danışıqlarının yanvarın 23-də keçirilməsi planlaşdırılıb.
