Əldə edilən məlumatlara görə partlayışı PKK terror qruplaşması həyata keçirib. Bu sözləri İzmir valisi Erol Ayyıldız "Anadolu Agentliyi”nə açıqlamasında deyib. Vali ədliyyə binasının qarşısına yaxınlaşan bomba yüklənmiş avtomobilin polis tərəfindən saxlanıldığını bildirib: "Avtomobildən enən terrorçular qaçmağa başlayıb. Daha sonra baş verən atışma zamanı 3 terrorçudan 2-si öldürülüb. Bayraklı səmtində baş verən terror olayında 1 polis və 1 ədliyyə işçisi şəhid olub. 7 nəfər isə yaralanıb”. Qeyd edək ki, hadisədən sonra ərazidə təhlükəsizlik tədbirləri gücləndirilib.
