Bakıda tanışının avtomobilini qaçıran şəxs saxlanılıb.
DİN-in saytına istinadən verilən məlumata görə, yanvarın 1-də Nərimanov rayonu ərazisində yaşayan Oleq Litvalıyev 16-cı PB-nə müraciət edərək həmin gün Əli adlı tanışının ona məxsus "Chevrolet" markalı avtomobili evinin qarşısından qaçırmasını bildirib.
Nərimanov rayon 16-cı PB və Əlahiddə Çevik Polis Alayı əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Əli Qurbanov tutulub.