İstanbulda gecə klubunda baş verən terror aktı ilə əlaqədar 8 nəfər saxlanılıb. Bu haqda "Anadolu” agentliyi bildirib. Qeyd edək ki, Yeni il gecəsi İstanbulun Beşiktaş rayonundakı "Reina” gecə klubuna Santa Klaus paltarında daxil olan silahlılar "Kalaşnikof" avtomatı ilə insanlara atəş açmağa başlayıblar. Terror aktı nəticəsində 39 nəfərin ölüb, 65-i yaralanıb. Onlardan bəzilərinin vəziyyəti ağır qiymətləndirilir. Hücuma görə məsuliyyəti İŞİD terror qruplaşması öz üzərinə götürüb.
