Səngəçalda 5 gün əvvəl partlayiş bas vermiş qaz kəmərində yenidən partlayış olub. Fövqəladə Hallar Nazirliyinin (FHN) mətbuat xidmətindən Gunaz.az-a verilən məlumata görə, yanğınla nəticələnən partlayış bu gün saat 07 radələrində kəmərin eyni yerində qeydə alınıb. Hadisədən dərhal sonra FHN-in canlı qüvvəsi və texnikası əraziyə cəlb olunub. Ərazidə təhlükəsizlik tədbirləri görülüb, Qaz Emalı Zavodundan Səngəçal Baş Qurğularına gedən, diametri 1000 mm-lik magistral qaz kəmərinə qaz vurulması dayandırılıb. Yanğın lokallaşdırılıb və tam söndürülməsi üçün tədbirlər davam etdirilir.
