SON DƏQİQƏ

Vəkil Adil İsmayılov koronavirusdan öldü

Tarix:

3-12-2020, 11:59

/ 5 983 dəfə oxundu.
Vəkil Adil İsmayılov koronavirusdan öldü

Azərbaycan Vəkillər Kollegiyasının üzvü, tanınmış vəkil Adil İsmayılov vəfat edib.

Bu barədə Kollegiyadan məlumat verilib.

Məlumatda bildirilir ki, A.İsmayılov koronavirusdan dünyasını dəyişib.

Qeyd edək ki, Adil İsmayılovun 30 illik vəkil təcrübəsi olub. O, 1955-ci il iyulun 6-da Göyçayda anadan olub.

İlk fəaliyyətə prokurorluq orqanlarında başlayıb. Sumqayıt şəhər prokurorluğunda mühüm işlər üzrə müstəntiq, daha sonra Baş Prokurorluqda mühüm işlər üzrə müstəntiq olub. Daha sonra öz ərizəsi ilə işindən ayrılıb.

Vəkil kimi isə "Qara kəmər” əməliyyatında DİN generalı Zakir Nəsirovun, Ramil Səfərovun, "MTN işi”ndə general Sübahir Qurbanovun hüquqlarını müdafiə edib.

A.İsmayılov 1993-cü ildə həbs edilən İsa Qəmbərin, keçmiş daxili işlər naziri, mərhum İskəndər Həmidovun da vəkili olub.

Sonuncu işində isə Azərbaycanın keçmiş baş prokuroru Eldar Həsənovun vəkili idi. Hazırda E.Həsənovun cinayət işi ilə bağlı istintaq davam edir.

Allah rəhmət etsin!

скачать dle 12.1

Şərhlər

XƏBƏR LENTİ