Misirdə ağır yol-nəqliyyat hadisəsi baş verib.
Bu barədə "Report” "TASS”a istinadən xəbər verir.
Hadisə Giza piramidaları yaxınlığında, Əl-Maryutiya rayonunda qeydə alınıb. Belə ki, mikroavtobusun sürücüsü idarəetməni itirib, bundan sonra avtomobil çevrilib və kanala düşüb.
Qəzada 8 nəfər həlak olub, 7 nəfər xilas edilib.
Ümumdünya Səhiyyə Təşkilatının məlumatına görə, Misirdə hər il yol qəzalarında 12 000 nəfər ölür.
