Xaçmazda ölümlə nəticələnən ağır yol-nəqliyyat hadisəsi baş verib.
"Report”un verdiyi məlumata görə, hadisə Muxtadır qəsəbəsi ərazisində baş verib.
Belə ki, naməlum avtomobil yolu keçmək istəyən Xaçmaz şəhəri sakini, 1961-ci il təvəllüdlü Seyidəliyev Nurməhəmməd Sabir oğlu və Bakı şəhər sakini, 1969-cu il təvəllüdlü Şahbazov İbrahim Arif oğlunu vurub. Nəticədə N.Seyidəliyev hadisə yerində ölüb, A.Şahbazov isə Xaçmaz Rayon Mərkəzi Xəstəxanasına yerləşdirilib.
Qeyd edək ki, hadisəni törədən sürücü qaçıb.
Faktla bağlı araşdırma aparılır.
