31 yaşlı kişinin sərxoşluğu faciəyə səbəb olub.
Türkiyənin Konya şəhərində yaşayan 31 yaşlı Mustafa Kafes sərxoş haldaykən əsəbləşərək sevgilisi Tuğçe Ülkü Gürbüzü liftə çırpıb. Bu əsnada liftin qapıları açılıb və 22 yaşlı Tuğçe boşluğa düşüb. Mustafa qızın boşluğa düşdüyünü gördükdə özünü itirib və şoka girib.
O, polis tərəfindən saxlanılıb. Mustafa Kafes ifadəsində sərxoş olduğunu, dalaşma səbəblərini xatırlamadığını söyləyib. O bildirib ki, məqsədi qızı öldürmək olmayıb.
Tuğçe isə ağır bədən xəsarəti ilə xəstəxanaya çatdırılıb. Onun vəziyyəti ağır olaraq qalır.
Hadisənin baş verdiyi anlar binanın təhlükəsizlik kamerasına düşüb.