Bakının Nərimanov rayonu ərazisində iki maşının toqquşması ilə nəticələnən yol qəzası baş verib.
"Report" xəbər verir ki, Koroğlu Rəhimov küçəsi ilə hərəkətədə olan "99-BE-969" dövlət qeydiyyat nişanlı "Mercedes" markalı avtomobil sürət həddini aşaraq "99-PD-304" dövlət qeydiyyat nişanlı "Daewoo Gentra" markalı maşını arxadan vurub.
Hadisə zamanı sürücülərdən xəsarət alan olmasa da, hər iki maşına ciddi ziyan dəyib. Hadisə yerinə DYP əməkdaşları gəlib.
