Nepalda müşahidə edilən musson yağışları itkilərə səbəb olub.
GunAz.az xəbər verir ki, 4 gündür davam edən şiddətli yağışlar 65 nəfərin ölümü, 30 nəfərin itkin düşməsi, 38 nəfərin yaralanması ilə nəticələnib. Nepal polisi ötən günlərdə 1400 nəfəri xilas etməyə müvəffəq olub. Təbii fəlakətə görə 16 520 ailə yaşadığı yeri tərk edib.
Ölkənin cənubundakı Bara bölgəsinə son günlərdə 400 mm yağış düşüb, növbəti 48 saatda isə 250 mm yağıntı proqnozlaşdırılır.
