Bu ilin yanvarından Atlantik okeanının Fransa sahillərində 1100-ə yaxın delfin cəsədi aşkarlanıb.
“Qafqazinfo” xəbər verir ki, bu barədə “Associated Press” məlumat yayıb.
Araşdırmaçı Villi Daubin son 40 ildə ilk dəfə bu qədər delfin ölümünün qeydə alındığını bildirib.
La Roşel Universitetinin Elmi-Araşdırma Mərkəzi tərəfindən aparılan ekspertiza nəticəsində delfinlərdə ciddi xəsarətlər aşkarlanıb. Daubin ölümlərin 90 faizinin balıq ovu edən gəmilərin xəsarət yetirməsi nəticəsində baş verdiyini deyib.
Ekoloqlar Fansa hökumətinə çağırış edərək delfin ovuna qarşı tədbirlərin gücləndirilməsini istəyiblər.
