Cüdo üzrə Qazaxıstan çempionu Jasulan Abiyev küçə davasında qətlə yetirilib.
Publika.az Qazaxıstan mətbuatına istinadən xəbər verir ki, Semeya şəhərində mağazaların birində növbə zamanı mübahisə yaranıb. Mübahisə davaya çevrilib. Bu zaman başından ağır zədə alan Jasulan ölüb.
Qətldə şübhəli bilinən 1994-cü il təvəllüdlü Semeya sakini saxlanılıb və onu 8-12 il müddətində həbs gözləyir.
Abiyev dəfələrlə respublika çempionatlarının və beynəlxalq yarışların mükafatçısı idi.
