İndoneziyanın Lombok adasında baş verən zəlzələ nəticəsində ölənlərin sayı 506 nəfərə çatıb.
GunAz.az xəbər verir ki, bu haqda İndoneziyanın təbii fəlakətlərin nəticələrinin aradan qaldırılması üzrə milli idarənin bəyanatına istinadən “Sinxua” agentliyi bildirib.
İdarənin nümayəndəsi Sutopo Purvo Nuqroxo bildirib ki, 431 mindən çox insan evlərini tərk etməyə məcbur olub, çünki zəlzələ nəticəsində 74 mindən çox ev və infrastruktur obyekti dağılıb.
Qeyd edək ki, Lombok adasında bazar günü 6,9 ballıq zəlzələ baş verib.
