İmişli rayonunda çınqıl karxanasında bədbəxt hadisə baş verib.
APA-nın məlumatına görə, İmişli rayonunun Şahverdili kəndi ərazisində, Araz çayının üzərində yerləşən çınqıl karxanasında ölüm hadisəsi qeydə alınıb.
İmişli rayonunun Bəhrəmtəpə qəsəbə sakini, 1990-cı il təvəllüdlü Məmmədov Fariz Valeh oğlunun idarə etdiyi avtoqreyder torpaq kütləsinin uçması nəticəsində aşıb. Nəticədə sürücü hadisə yerində ölüb.
Faktla bağlı araşdırma aparılır.
