Ermənistanın paytaxtı Yerevandakı ticarət mərkəzlərindən birində bıçaqlanma olub.
Gunaz.az “RİA Novosti”yə istinadən xəbər verir ki, insident “Qızıl Dünyası” ticarət mərkəzində baş verib. Mübahisə zamanı naməlum şəxs 40 yaşlı kişini bıçaqlayaraq qətlə yetirib və 33 yaşlı digər şəxsi isə yaralayıb.
Şübhəli şəxsin kimliyini müəyyən etmək mümkün olub. Onun saxlanılması istiqamətində tədbirlər davam etdirilir. İnsidentin təfərrüatları müəyyənləşdirilir.
