Bakı Bələdiyyə Teatrının aktyorları Tural Əhməd, İlqar Musayev, Tural Baxış və başqaları dünən paytaxt məkanlarının birində liftdə qalıb.
Gunaz.az xəbər verir ki, bu barədə aktyorlar sosial şəbəkədə məlumat verib. Tural Əhməd bildirib ki, xoşagəlməz hadisə diqqətsizlik ucbatından baş verib:
“Dünən düz 56 dəqiqə liftdə qalmışıq, özü də 19-cu mərtəbədə. Girəndə saymamışıq neçə nəfərik, sən demə, doluşmuşuq, lift də dayandı. Əvvəl-əvvəl gülürdük, sonrakı halımızı görmək lazım idi. Biz sözlə, Allah üzümüzə baxdı ki, liftin zənciri qırılmadı. Yoxsa mədəniyyət aləmində itkilər var idi. Sonda köməyimizə FHN gəldi”.
