İndoneziyanın Mərkəzi Yava əyalətində zəlzələ nəticəsində 2 nəfər ölüb, 20-dən çox insan yaralanıb.
Gunaz.az xarici mətbuata istinadən xəbər verir ki, bu barədə cümə axşamı Təbii Fəlakətlərin Aradan Qaldırılması Milli Agentliyi məlumat yayıb.
Yeraltı təkanlar 4,4 maqnituda olub. Nəticədə yüzlərlə ev, məktəb və məscid dağılıb. İki mindən çox yerli sakin xüsusi mərkəzlərə köçməli olub.
Zəlzələ çərşənbə günü əhalinin sıx məskunlaşdığı Mərkəzi Yava əyalətinin Bancarneqar şəhərinin ətrafında qeydə alınıb.
