Salyan rayonunun Xələc kəndində yanğın hadisəsi baş verib. 48 yaşlı kənd sakini, Qarabağ veteranı Zaman Məmmədəli oğlu Məmmədova məxsus 1 otaqlı, 1 eyvanlı fərdi yaşayış evi anidən alovlanıb.
Hadisə yerinə Fövqəladə Hallar Nazirliyinin Salyan Yanğından Mühafizə Hissəsinin 2 yanğınsöndürən maşın və canlı qüvvə cəlb olunub və yanğın söndürülüb. Buna baxmayaraq, 42 kvadratmetr sahəsi olan ev içindəki əşyalarla birlikdə yanaraq kül olub. Yanğının nədən qaynaqlandığı hələ ki, məlum deyil./report
Faktla bağlı araşdırma aparılır.
