Fransada naməlum şəxslər qızıl dolu furqona hücum ediblər.
Trend-ə istinadən verilən məlumata görə, Lion şəhərində həmin şəxslər qızılları ələ keçirəndən sonra furqona od vurub və hadisə yerindən uzaqlaşıblar. Hadisə yerinə çox sayda polis cəlb olunub. Xəsarət alanların olub-olmadığı barədə məlumat verilməyib. Qeyd edək ki, bu cür hadisə ötən ilin dekabrında da baş vermişdi. O zaman 10 nəfər şəxs 2,5 milyon avro dəyərində qızıl oğurlamışdı.
