Suriyada terroçular qaz kəmərini partladıb. Gunaz.az xəbər verir ki, bu barədə "TASS" agentliyi bu ölkənin Elektroenergetika Nazirliyinə istinadən xəbər verib. Məlumata görə, hadisə Rif-Dimaşk vilayətində, Cirud rayonunda qeydə alınıb. Xəbərdə bildirilir ki, "ən-Nasiriyyə" elektrostansiyasını təchiz edən qaz kəməri sıradan çıxarılıb. Hadisə ilə əlaqədar həmçinin elektrostansiya da fəaliyyətini dayandırıb. Qaz kəmərinin hansı silahlı qruplaşma tərəfindən sıradan çıxarılması barədə məlumat verilmir.
